For I haue heir -- I to the tell,
Ane nobill cap imperiell,
Quhilk is nocht ordanit bot for doings
Of Empreours, of Duiks, and Kings --
For princelie and imperiall fuillis:
They sould haue luggis als lang als Muillis....

All the Princes of Almanie,
Spainye, Flanders, and Italie,
This present year, ar in ane flocht:
Sum sall thair wages find deir bocht.
The Paip, with bombard, speir, and scheild,
Hes sent his armie to the feild.
Sanct Peter, Sanct Paull, nor Sanct Androw
Raisit never sic ane Oist, I trow.
Is this fraternall charitie?
Or furious folie? Quhat say ye?
Thay leird nocht this at Christis Scuillis:
Thairfoir, I think them verie fuillis.
I think it folie, -- be God's mother! --
Ilk Christian Prince to ding doun uther.
Becaus that this hat shoud belang them,
Gang thou, and part it evin amang them.

Lines 4554 - 4559; 4574 - 4589

Sir David Lindsay of the Mount, Alias Lyon King of Arms

"Ane Pleasant Satyre of the Thrie Estaitis, in Commendatioun of Vertew and Vituperatioun of Vyce"

Charteris edition(1602), reprinted by the Early English Text Society, 1896