Is this it?

THINKIN AN DAEAN

Atween the blink o' the ee an the harn
Atween the seean an the thinkan,
time and space whummelt in the swee.

Dykes rise,
Fields, and rigs nae pleuchd syne,
rummel intill the lift.

Gowd-licket cloods
Aw black staunan aiks,
Awe the gap atween seean an thinkan,

Thinkan an Daean
That oor word micht come
Speiritan oot o' thon gap
Speiran at the yird an a' its cronies

Orr ain word biggit that oo maun tak it
An yoakan it, let it flee
As the finger lifts an the air
Flees oot the chaunter

Chaumer pipes for dauncean
An War ains for bleedin
Auld words for speakan
An new words for readan:
There's the chink atween thinkan and daean.