Twas on a simmers evenin aa went oot tae tack the air
An cummin roon bi Tarlin toon aa spied a lovely pair
The youth was tall an handsome the maid was fair tae see
An aa kent their destination wisnae far fae Corrichree

When haff roads up the avenue they sat doon tae tak a rest
He took her in his airms sayin ma dear aa loe ye best
Aa maiden ye hae sitten doon an ye"ll aye be maid tae me
Bit it"s maid agane ye"ll ne"er walk on the girse o Corrichree

O Sandy lad ye"ll ne"er deny the ill that ye hae din
For ma bonnet strings hae broken an ma hair flees wi the win
Ma maidenheed his tain a flicht an gaen awa fae me
An the session clerk will come tae ken o this nicht at Corrichree


Ach noo ma lass says Sandy ye needna care a fig
For there"s monies the bonny lassie that gangs daily oure the rig
There"s monies the bonny lassie aye an jist as guid as ye
Gangs maiden like for aa tae see oure the rigs o Corrichree

Weel he comes doon in the evenin jist as aften as he can
He comes doon in the evenin jist tae see his bonny Ann
They tell their tale bout auld lang syne whaur naebody dis them see
Bit ye"ll easy fin oot aa their beds on the girse o Corrichree.            


Tarland was in the past noted for the fiddler Peter Milne and in the present for that fine fiddler Paul Anderson.