The Mudcat Café TM
Thread #161624   Message #3842736
Posted By: Joe Offer
03-Mar-17 - 09:11 PM
Thread Name: DTStudy: Bonnie Galloway/Bonny Gallowa'
Subject: RE: DTStudy: Bonnie Galloway/Bonny Gallowa'
Another version:

Thread #862   Message #1025511
Posted By: Kenny B
27-Sep-03 - 01:55 AM
Thread Name: Moira Anderson versions:Bonny Gallowa/Rothesay Bay
Subject: Lyr Add: BONNIE GALLOWA' (George G. B. Sproat)

W/ 3rd verse and composer

George G. B. Sproat

Wha but lo'es the bonnie hills,
Wha but lo'es the shinin' rills;
Aye for thee my bosom fills—
        Bonnie Gallowa'.

Land o' darkly-rollin' Dee,
Land o' silvery windin' Cree,
Kiss'd by Solway's foamy sea—
        Bonnie Gallowa'.

Wreathes o' glory roun' thee weave,
Gory land o' fearless Thrieve,
Heroes' deeds your sons achieve—
        Bonnie Gallowa'.

Ance ye had a king your ain,
Wha your laurels ne'er wad stain,
Focht your foes wi' micht an' main—
        Bonnie Gallowa'.

Wha 'mang Scotia's chiefs can shine?
Heroes o' the Douglas line,
Maxwells, Gordons, a' are thine—
        Bonnie Gallowa'.

Land o' birk and rowan tree,
Land o' fell and forest free,
Land that's aye sae dear to me—
        Bonnie Gallowa'.