THE GAIRDNER AND THE PLOUGHMAN.

A GAIRDNER lad that lives near by, Lang he has wooed me;
And he's gi'en me his hert to keep,
A pledge o' love to be-be,
A pledge o' love to be.

Sae lang's I keep't my gairdner's hert,
I lat my ain gang free;
But the blithe blink o' the plooman lad
Has stown my hert frae me-me.
Has stown my hert frae me.

The first time that I saw my love,
I was ploughin' on yon brae broo,
And I could neither haud nor ca,
It was a' for the love o' you-you,
It was a' for the love o' you.

The next time that I did you see,
You were under a bush o' rue;
And aye the sweeter that ye sang
The nearer the bush I drew-drew,
The nearer the bush I drew.

Mak' up your goon my bonnie lass,
And mak' it neat and fine;
And ye shall be the plooman's wife,
For the gairdner's changed his min'-min',
For the gairdner's changed his min'.

The plooman lad he hearin' this,
Just in a bush near by:
Says, "Say nae mair, my bonnie lassie,
O, ye ken better why-why,
O, ye ken better why.

The last time that I did you see,
You were under a hush o' rue;
And aye the sweeter that ye sang
The nearer the bush I drew-drew,
The nearer the bush I drew.

Source: Ord's Bothy Songs and Ballads (1930) page 94