I found a broadside at the National Library of Scotland that contains another version of the same song:


I WISH MY GRANNIE SAW YE.

I'm Johnny Raw, a civil chiel',
    I was reared up in the kintra,
Nae doubt ye winna ken me weel,
    I'm a' the way frae Fintry.
Altho' I'm boosey, yet I'm fly,
Among the lasses I'm a pry,
And after me they a' do cry,
    I wish my grannie saw ye.

CHORUS: Tits, get awa', ye mean to blaw,
I ken ye' re up tae a thing or twa,
As sure as death, man, Johnny Raw,
    I wish my grannie saw ye.

I woo'd a lass a gey lang time,
    She was a carter's dochter,
At last I thought I'd mak' her mine,
    So the wedding dress I bought her.
Says I, my lass, noo be sincere,
And name the day ye'll be my dear,
She laughed, and whispered in my ear,
    "I wish my granny saw ye."

Yestreen I strolled through the Argyle,
    When a lady said, "Noo, please, sir,
To hold this bairn a little while,"
    For fear the crowd would squeeze her.
I took the bairn, and said I would,
But I thought that she was rather rude,
Says she, as we pushed through the crowd,
    "I wish my granny saw ye."

As we were pushing through the crowd,
    Oh, Lor', I missed the lady,
Quite wonder-strucken there I stood.
    She'd left me with the baby.
But where she went I could not learn,
As in my arms I held the bairn,
The folk cries, "John, you've got your fairin',
    I wish my granny saw ye."

So, noo, I think I'll end my sang,
    It's time that I maun quit it,
I hope I have said naething wrang,
    At least I didna try it.
So, frien's, I canna langer stay,
Some other nicht I'll ca' this way,
But if you'll stand a dram I'll say,
    I wish my granny saw ye.