The Mudcat Café TM
Thread #55160 Message #3901571
Posted By: Tattie Bogle
24-Jan-18 - 07:08 PM
Thread Name: Any Burns Night doings in UK?
Subject: RE: Any Burns Night doings in UK?
Aye, I got pu'ed up for spelling it wrang a few years back when I did the poster for our local Burns Nicht, and told aebuddy they'd get "haggis, neaps and tatties"! Onywey, efter that, coulna resist gieing ye this wee sang! (Tho ye micht need a translator!) Note the chorus efter verses 2 and 4!
Sylvia Barnes does a brilliant version o' it!
TODDLIN HAME
Whan I've a saxpence under my thoum,
Then I'll get credit in ilka toun:
But aye whan I'm puir they bid me gang by;
O! poverty pairts guid company.
Toddlin hame, toddlin hame,
Couldna my love come toddlin hame?
Fair fa' the guidwife, an send her guid sale,
She gies us white bannocks to drink her ale,
Syne if her tippenny chance to be sma',
We'll tak a guid scoor o't, an ca't awa.
Toddlin hame, toddlin hame,
As roond as a neep come toddlin hame.
My kimmer an me lays doun to sleep,
An twa pint stoups at oor bed-feet;
An aye when we waukened we drank them dry:
What think ye o my wee kimmer an I?
Toddlin but an toddlin ben,
Sae roond as my love comes toddlin hame.
Leeze me on liqor, my toddlin dou,
Ye're aye sae guid-humoured when weetin your mou;
When sober sae soor, ye'll fecht wi a flee,
That it's a blythe sicht to the bairns an me,
Toddlin hame, toddlin hame,
When roond as a neep ye come toddlin hame.