These lyrics, along with musical notation, can be seen in The Songs of Scotland by J. Pittman and Colin Brown (London: Boosey & Co., 1873), page 5. I have boldfaced the words that are different from those in the above versions:

HUNTINGTOWER; or, WHEN YE GANG AWA, JAMIE

JEANIE. When ye gang awa, Jamie,
Far across the sea, laddie,
When ye gang to Germanie,
What will ye send to me, laddie?

JAMIE. I'll send ye a braw new gown, Jeanie,
The brawest in the town, lassie;
And it shall be o' silk and gowd,
Wi' Valenciennes set round, lassie.

JEANIE. That's nae gift ava, Jamie,
Silk and gowd and a', laddie,
There's ne'er a gown in a' the land
I'd like when ye're awa, laddle.

JAMIE. When I come back again, Jeanie,
Frae a foreign land, lassie,
I'll bring wi' me a gallant gay,
To be your ain gudeman, lassie.

JEANIE. Be my gudeman yoursel', Jamie,
Marry me yoursel', laddie,
And tak' me ower to Germanie,
Wi' you at hame to dwell, laddie.

JAMIE. I dinna ken how that wad do, Jeanie,
I dinna see how that can be, lassie,
For I've a wife and bairnies three,
And I'm no sure how ye?d agree, lassie.

JEANIE. Ye should hae telt me that in time, Jamie,
Ye should hae telt me that lang syne, laddie,
For had I kent o' your fause heart,
Ye ne'er had gotten mine, laddie.

JAMIE. Your een were like a spell, Jeanie,
Mair sweet than I could tell, lassie,
That ilka day bewitch'd me sae,
I couldna help mysel', lassie.

JEANIE. Gae back to your wife and hame, Jamie,
Gae back to your bairnies three, laddie,
And I will pray they ne'er may thole
A braken heart like me, laddie.

JAMIE. Dry that tearfu' e'e, Jeanie,
Grieve nae mair for me, lassie, [or, "My tale is a' a lee, lassie"]*
I've neither wife nor bairnies three,
And I'll wed nane but thee, lassie.

JEANIE. Think weel, for fear you rue, Jamie,
Ye'll no get ane mare true, laddie;
But I have neither gowd nor lands,
To be a match for you, laddie.

JAMIE. Blair in Athol's mine, lassie,
Fair Dunkeld is mine, lassie,
Saint Johnstoun's bower, and Huntingtower,
And a' that's mine is thine, lassie.

[* This alternate line is taken from Maclagan's Musical Age Songster (London: The Music Publishing Company, 1864), page 4.]