Hi,

Here's another older version of Child 9 from James Madison Carpenter Collection, JMC/1/2/2/E, pp. 04847-04848.

    The Fair Flooer o Northumberland- sung by John Rogie of Mains o Glen Carvie, Strahdon, Aberdeenshire, c.1871. Learned over 50 years ago from Rob Farquharson of Corgarff. Collected in 1931 by Carpenter.

1. A lady went oot to tak the air,
O that her love was sae easily won,
She heard a young gentleman sighin' sair,
As he lay in her father's prison strong.

2. "Gin some bonnie lassie wid pity me,
O that her love would be easily won,
I wid mak her a lady o high degree,
I wid mak her a lady in fair Scotland."

3. She went tae her father's bedroom,
O that her love was sae easily won,
An' she's stolen the keys o sae many fine locks,
And she's lowsed him oot o his prison sae strong.

4. She went tae her father's stable,
O that her love was sae easily won,
And she's stolen a steed baith ready an' able,
To carry them baith tee brave Scotland.

5. But when they cam yon booers within,
O that her love was sae easily won,
Get aff my steed ye brazen-faced whoor,
An' go get ye bak tae Northumberland.

6. "A cook in your kitchen I will be
O that my love was sae easily won,
. . . .
. . . .

7. "A cook in your kitchen ye canna be,
O that yer love was sae easily won,
For my mistress don't choose such hissies as thee,
Sae gae get ye bak tae Nothumberland."

8. "If ye'll tak me by the middle sae sma',
O that my love was sae easily won,
An' ye'll heave me oot ower yon high castle wall,
For I daur nae gang bak tae Nothumberland."

9. The Laddie was left his lassie to kill,
O that her love was sae easily won,
So he bocht an auld horse an' hired an auld man,
An' sent her safe bak tae Nothumberland.

* * * * *

Richie