I'm very very late, but I've transcribed it from a different recording, and it's checked by my mum:


Nae doot ye've a’ bin readin’ in the press the same as me

Aboot the kilt society o' Aiberdeen



Bit breen braes* has a similar organization tee

An' a’ the sichts and kilts that I hae seen

I loched till I wis sair the nicht I went

Til their tartan annual event



Fer there was aul' kilts an new kilts

o' ilka clan an' hue kilts

Reid, yella, green an' blue

At the kilt society ball



There was lads wi' furled, ower lang kilts

And squint an' haungin' wrang kilts

They a’ had nerve tae gang

Tae the kilt society ball



They danced the heilan’ dances and they cam frae far and wide

Displayin’ a’ the parts that ither times their troosers hide

There was cheap kilts and dear kilts and only reach to here kilts

I wish ye’d seen the steer

At the kilt society ball



Noo the Aiberdeen society’s bin haudin’ a debate

And in controversy they’re up tae the hilt

They’ve decided that tae join the ranks, the weemen winna get

For their shapes are wrang fer showin’ aff the kilt

But o’ the men themselves in heilan dress

I’ve seen een or twa a bonny mess



Fer there wis beefy lads and braw lads

And should ha bade awa’ lads

A sicht ye never saw

At the kilt society ball



There wis slim as ony deem lads

And broad aboot the beam lads

That made the lassies scream

At the kilt society ball



They danced the heilan’ dances and they cam frae far and wide

Displayin’ a’ the parts that ither times their troosers hide

There wis bold an’ tak a look lads

An shy an bide in nuik lads



There wis hairy knees and baald knees

An fightin’ feelin caald knees

Skinny knees and swald

At the kilt society ball



There was stracht legs and baud legs

An cudna stop a yow legs

An hittin’ one a fyow

At the kilt society ball



They danced the heilan’ dances and they cam frae far and wide

Displayin’ a’ the parts that ither times their troosers hide

There was seen ‘er growd and run wives

And ower near the grun wives



Ye shoulda seen the fun

At the kilt society ball!


*Presumably a place but not one I’ve heard of