Let me just add another variant of the lyric, this time as sung by Rod Paterson of Jock Tamson's Bairns. I couldn't find this particular variant online anywhere so did my best to pick it out from the recording, any corrections would be welcome!

BOGIE'S BONNIE BELLE

Ae Whitsun morn in Huntley Toon 'twas there I did agree
Wi' Bogieheid o' Carnie, twelvemonth for tae fee
To drive his twa best horses, and to cairt and carry and ploo,
And dea onything o' farming work I very weil could do

Bogie had a dochter, her name was Isabelle
She was the floo'er o' the valley, the primrose o' the dell
She had rosy cheeks and ruby lips and hair the raven's hue
She was neat, complete and handsome, aye and comely for tae view

When she gaed oot walking, she took me for her guide
Doon by the burn o' Carnie where the silver fishes glide
I put my arm aboot her waist and tae the ground did slide,
And there I had my first braw nicht, wi' the belle o' Bogieside

When three months were passed and gone, this lassie lost her bloom
And the rid fell frae her rosy cheeks, and her een began to swoon
And when nine months were passed and gone, she brought forth to me a son,
And I was quickly called for tae see what could be done.

I said that I would marry her, but no that wouldnae dae
For you're no' a match for my bonny belle, and she's no' a match for ye
He sent me packing doon the road, wi'oot my penny fee
Sae fareweel ye lads o' Huntley side, a lang fareweel tae ye

And noo she's married tae a tinker chiel, wha bides in Huntley toon
He mends pots and pans and paraffin lamps, an' he scours the country roon
And maybe he's gotten her a better match, auld Bogie cannae tell
But it's me wha stole the maidenheid fae Bogie's bonny belle