I have MP3s of some of the tracks from the original CF & AT vinyl recording. Here are the lyrics as best as I can transcribe them:

FALSE LOVER WON BACK
===================

The sun it shines on yonder hill
And low in yonder dell,
And the place that me and my love bide
The sun it never goes doon!
Refrain: Bonny Love!
Repeat: The sun it never goes doon!

Gae saddle tae me the bonny black steed,
Or saddle tae me the broon,
That I may ride o'er aroon, bonny Love!
That I may ride o'er aroon!
Refrain: Bonny Love!
Repeat: That I may ride o'er aroon!

But when will ye come back, Bonny Love?
When will ye come hame?
When heather hills are nine times brunt,
And a' grown green again!

But that's o'er lang to bide awa',
That's o'er lang frae hame,
And the baby that's nae born yet
Will be o'er lang wantin' it's name!

He's mounted on his high horse back,
And fast awa rade he;
She's kilted up her gae clothing,
And fast, fast folleed she!

Noo the firsten toon that they've cam til,
He's bocht her some hose and shoen,
And he's bad her rue, and return noo,
And nae mare follee him!

But it's love for love that I do want,
Love for love, again,
An' it's hard when I like ye sae weel,
An' ye nae me again!

The neexten toon that they cam til,
He's bocht a brooch and ring,
And he's bad her rue, and return noo,
And nae mare follee him!

But it's love for love that I do want,
Love for love, again,
An' it's hard when I like ye sae weel,
An' ye nae me again!

So the neexten toon that they cam til,
He's bocht her a waddin' ring,
An' he's bad her dry her rosy cheeks,
An' he would tak her wi' him!

Now it's love for love that I hae got,
Love for love, again,
So it's turn yer high horse heed about,
And we will ride for hame!

[Presumed trad, from the singing of Cilla Fisher]