[Scots Musical Museum, #523]

GUDEEN TO YOU KIMMER.
Corrected by Robert Burns.

Gudeen to you kimmer
And how do you do?
Hiccup, quo' kimmer,
The better that I'm fou.
[Chorus]
We're a' noddin, nid nid noddin
we're a' noddin at our house at hame,
We're a' noddin nid nid noddin
we're a' niddin at our house at hame.

Kate sits i' the neuk,
Suppin hen broo;
Deil tak Kate
An' she be na noddin too!
[Cho:]

How's 'a wi' you, Kimmer,
And how do ye fare?
A pint o' the best o't,
And twa pints mair.
[Cho:]

How's a' wi' you, kimmer,
And how do ye thrive;
How mony bairns hae ye?
Quo' kimmer, I hae five.
[Cho:]

Are they a' Johny's?
Eh! atweel no:
Twa o' them were gotten
When Johny was awa.
[Cho:]

Cats like milk
And dogs like broo;
Lads like lasses well,
And lasses lads too.
[Cho:]

C. K. Sharpe in 'Additional Illustrations to SMM' (#260) said "I never heard the country people sing more of the song than this:

Hoo are ye kimmer,
An' hoo doe ye thrive?
Hoo mony bairns hae ye?
Kimmer, I hae five.

An' we're a noddin;
Nid, nid, noddin;
An' we're a noddin
At our house at hame.

Are they a' Johnnie's bairns?
Na, kimmer, na!
For three o' them were gotten
Whan Johnnie was awa!
An' we're a', &c.

Cats like milk,
And dogs like broo;
Lads like lasses,
And lasses lads too.
An' we're, &c.