THEY'RE PULLIN' DOON THE BUILDIN' NEXT TAE OORS
(Adam McNaughtan)

Noo ah'm a workin' gent, ah live in a tenement,
In the heart of one o Glasgow's biggest slums
But they're goin' tae improve, and so we've been telt tae move,
By those mansion-dwellin' corporation bums,

Chorus
Oh! they're pullin' doon the buildin' next tae oors,
An they're sendin us tae green belts trees an' flooers
But we do not want tae go, an' we daily tell them so,
While they're pullin' doon the buildin' next tae oors,

Noo oor faimilie's the lot, who've been stayin' in this spot,
For nearly sixty years withoot a break,
When they ordered us tae go, we just telt them point blank no,
Ye can go an' jump in Scotland's only lake. CHORUS

Noo many folks have laughed an' they've said that we were daft,
No tae go where everything was new an neat,
But we're happy where we are, think we're better aff by far,
Wi' a pub on every corner o' the street. CHORUS

Well they ordered us tae quit, at last we had tae flit
It took four removal vans tae shift the load,
Aye, we moved just yesterday but it's no sae far away
It's the buildin' facin' oors across the road,

Final Chorus
Noo they're pullin' doon the buildin' facin' oors,
An sendin us tae green belts, trees, an' flooers
But we do not want tae go, an' we daily tell them so,
While they're pullin' doon the buildin' facin oors,