Copied from http://www.alexsutherland.com/auldnew.htm

PITTENWEEM JO
(John Watt)

I'm goin' wi' a lassie fae Pittenweem,
She's every fisher laddie's dream.
She guts the herrin' doon by the quay,
And saves her kisses just for me.

Well, last July it come tae pass
I met this bonnie fisher lass,
Wi' her e'en sae blue, and black was her hair.
I met her doon by the village fair.

CHO: Oh, Pittenweem, Pittenweem,
She's every fisher laddie's dream.
She guts the herrin' doon by the quay,
And saves her kisses just for me.

So I says tae her, "Can I see ye hame?"
She says, "Och fine, but I ken yer game.
But ne'er the less, ye're awfy kind.
In fact, a widnae really mind."

So I took her hame that Saterday nicht.
The moon was shinin' oh sae bricht.
And as we sat there on the grass,
I said, "Hey, Jo, will ye be ma lass?"

Well, she's ma lass noo, and weel I ken
She disnae gang wi' other men:
'Cause I was fast but they were slow,
And that's how I won my Pittenweem Jo.

[Pittenweem is a fishing village on the east coast of Fife.]