Ma mindin' o' the vaccies frae Glesca et the stert o' the war wis bein' fair bumfoozled et their want o' the guid Lallans twang. Nane o' them kenn't whit a sheugh wis, an' hud nae clue that straucht meant "no bent".A brough roon' the muin wis ayont their ken. In a gemme o' kick the can tellin them tae coorie doon ablow a cairt or ahin a stane dyke wis a waste o' guid braith. Skittrie-felties, whaups, yowes an' meers wur beasties they'd never heard tell o'. Funny, mind, they seemed tae ken whit coorie-hunkers meant.