Here's version A from Greig-Duncan

Mick

PITGAIR

Charlie, O Charlie, come owre frae Pitgair,
Or I gie ye out a' your orders,
For I'm gaun awa' to yon high Hielan' hills,
To leave a' this low Buchan borders.

O Charlie, O Charlie, tak' notice what I say,
And put every man to his station,
For I'm gaun awa to yon high Hielan' hills,
For to view a' the parts o' the nation.

To the lowsin' ye'll pit Shaw, ye'll pit Sandieson to ca'
To the colin ye'll pit Andrew Kindness,
And auld Colliehill he'll feed the mill
And see that he dee't wi' great fineness.

Ye'll pit Eppie to the mill and Janet to the cole
And the ither twa men for to carry,
And as for George and Jeck ye'll pit them to the rake
And see that they do not tarry.

To the gatherin' o' the hay, ye'll pit little Isa Gray
And wi' her ye'll pit her cousin Peggy
And it's in below the bands its there ye'll pit your hands
And see that they do it right tidy.

It's you Willy Burr ye'll carry on the stir
And ye'll keep a' the young maids a-hoein'
And ye'll tak' care o' Jeck, or he'll play you a trick
And will set a your merry maids a-mowin'.

And it's you Annie Scott ye'll pit on the muckle pot
And mak' unto them porridge plenty
For yon hungry brosiers that's comin' frae Pitgair (*)
They live both bare and scanty.

Ye'll tak' little Annie Mack frae the colin' o' the quack (+)
To help ye . . . . the denner for to carry
And at the hour o' one ye will mak' then a' to stan'
At the mull for a moment to tarry.

O Charlie, O Charlie, so early's ye'll rise
And see a' my merry men yokin'
And you Missy Pope ye'll sit in the parlour neuk
And keep a' my merry men frae smokin'.

(*) brose-eaters
(+) cutting; bog

  Source: Greig-Duncan collection vol3, Version A
          from John Quirrie
  The notes add: "August 1906. Learned from Northfield of Gamrie, 1869"
  

---

And the tune:

PITGAIR

(O)| Char-lie O Char-lie come owre frae Pit-gair
And| I'll gie oot a' my|oth-ers
For| I'm gaun a-wa to yon|high Hie-lan' hills
To |leave a' this low Buch-an|Bor-ders||

X: 1
T:Pitgair
M:C
L:1/8
S:Greig-Duncan from John Quirrie
K:A dor
G|A2 A> G E2 E> E|c2 B> A B2 z
G|A2 A c3 E2 D> E| G2 A2 z2
(AB)|c2 c> c d2 c> d|e2 A> G E2
(EG)|A2 F E D2 E F|G2 A2 z3||


The 2nd F# in the penultimate bar has F natural given as an alternative.