Lyr Req: 'Wi ma peerie heels...' (Sheila Douglas)

Subject: Lyr Req: parady of big kilmarnock bunnett
From: GUEST,auldreekie
Date: 08 Dec 13 - 09:54 AM

the chorus is wi ma peerie heels and my pencil skirt the mud it stuck like glue, that is all i remember apart from the last line of chorus is a mans a man for all that in the country.
does anybody know this as it is driving me crazy trying to remember the lyrics of a song that keeps popping into my head

Subject: Lyr Add: 'Wi ma peerie heels...' (Sheila Douglas)
From: Jim McLean
Date: 08 Dec 13 - 03:26 PM

Noo it cam that I should leave the toon, a holiday tae tak,
I packed ma case and off I went tae the fairm o Burniebrak,
Ma uncle Jock and my auntie Kate, they met me at the steading gate,
And welcomed tae fairm life in the country.

CHORUS: Wi ma peerie heels and ma pencil skirt, the mud wis jist like glue,
I thocht that I'd be bored tae death afore the week wis through,
But sine I met the shepherd, Tam, a great big handsome hunk o man,
And a man's a man for a' that in the country.

First he thocht he'd feed the yowes and he smiled sae sweet tae me,
Ma breath grew fast, ma cheeks grew pink as we gaed ower the lea,
But a bramble bush had scratched ma lug, and I tripped richt ower his collie dug,
And stretched ma lens far sheep were safely grazing. CHORUS

Then he thocht he'd wash the tups so he ca'd them tae the fank,
Wi their muckle horns and rolling een, my god the smell was rank,
Ma wellie boots were filled wi sharn, and ma frozen feet I couldnae warm,
And I couldnae even cry his name for shiverin. CHORUS

But my troubles were nae over yet, the kye were still tae feed,
We cairted straw and neeps tae them and bedded doon their ???,
And syne he caught and held me fast, I thocht that I had breathed ma last,
And he showed me hoo the lads court in the country. CHORUS

Noo I'm gan back tae Glesca toon, the Palais and the chippie,
Ma uniform's a' laid oot neat, a corporation clippie,
My waistband's getting affa ticht, the doctor's going tae get a fricht,
When he hears fit I hae brocht back fae the country. CHORUS

Subject: RE: Lyr Req: parady of big kilmarnock bunnett
From: GUEST,Auldtimer
Date: 08 Dec 13 - 04:05 PM

Written by Sheila Douglas

Subject: RE: Lyr Req: parady of big kilmarnock bunnett
From: GUEST,auldreekie
Date: 12 Dec 13 - 06:29 PM

thank you jim much appreciated that has set my mind at rest .
also thanks to Auldtimer for info on auther

Subject: RE: Lyr Req: parady of big kilmarnock bunnett
From: Tattie Bogle
Date: 12 Dec 13 - 07:51 PM

Eh wis gaun tae say that that version suggests Dundee with the E've and E'm etc. Auldtimer will pit me richt, nae doot!