Lyrics & Knowledge Personal Pages Record Shop Auction Links Radio & Media Kids Membership Help
The Mudcat Cafemuddy

Post to this Thread - Sort Descending - Printer Friendly - Home

Lyr Add: Princie and Jean (George Corrigall)

Joe Offer 12 Jul 15 - 02:08 AM
Share Thread
Lyrics & Knowledge Search [Advanced]
DT  Forum
Sort (Forum) by:relevance date
DT Lyrics:

Subject: Lyr Add: Princie and Jean (George Corrigall)
From: Joe Offer
Date: 12 Jul 15 - 02:08 AM

(George Corrigal of Orkney)

Ah'll sing ye a song o' a canty auld body,
A kenspeckle figger was auld Wattie Broon,
A trustworthy hand at the Mains o' Drumcloddie,
Sin' the day he began tae work there as a loon,
And syne there as baillie he proved himself canny,
His work conscientious, particlar and clean,
Till a'e day his maister said, 'Wattie, ma mannie,
Ye'll tak' the third pair, they're ca'd Princie and Jean'.

And in a' bonnie Scotland there wasna a human,
So happy as Wattie wi' his dandy pair,
He sune held his ain wi' the rest as a plooman,
And, oh, was he prood o' his gelding and mare!
A grand pair o' blacks, no' their like in a hunner,
Wi' coats o' a rich glossy ebony sheen,
And at plooin' matches for years worthy winner,
For grooming was Wattie, wi' Princie and Jean.

So Wattie aye bided content wi' his duties,
Bit life's fu' o' changes as a'body kens,
Decrepit auld age claimed the baith o' his beauties,
And tractors began tae appear at the Mains,
A steerin' wheel Wattie just widna be grippin',
He wrocht on as a orra man – didna compleen,
Bit a'body noticed puir Wattie was slippin'
Doonhill, he was pinin' for Princie and Jean.

And noo he's awa', a' his trauchles are ended,
A God-fearin' body that aye did his best,
His life was a sermon, the mourners a' kent it,
On Tuesday last week when we laid him tae rest,
And we a' had a thocht, though we didna divulge it,
As wi' hankies we dabbit the tears fae wir een,
That if He wha was born in a manger so wills it,
They'll be waitin for Wattie – his Princie and Jean!

found on a Web page titled Gentle Giants: A Celebration of the Clydesdale Horse in Song

The song is written to the tune of the "Road to Dundee" which is the same tune as "Carnlough Bay." The song was recorded in the 1960s by Tam Reid (1929-2003) [(click)]

Here's the recording by Tam Reid;

Post - Top - Home - Printer Friendly - Translate
  Share Thread:

Reply to Thread
Subject:  Help
Preview   Automatic Linebreaks   Make a link ("blue clicky")

Mudcat time: 16 November 11:21 AM EST

[ Home ]

All original material is copyright © 1998 by the Mudcat Café Music Foundation, Inc. All photos, music, images, etc. are copyright © by their rightful owners. Every effort is taken to attribute appropriate copyright to images, content, music, etc. We are not a copyright resource.