Subject: Lyr Add: Cradle Song (Gall; Scot.)
From: Q (Frank Staplin)
Lyr. Add: CRADLE SONG
Richard Gall, 1776-1801
1
Baloo, baloo, my wee wee thing,
O saftly close thy blinkin' ee!
Baloo, baloo, my wee wee thing,
For thou art doubly dear to me.
Thy daddie now is far awa,
A sailor laddie o'er the sea,
But hope aye hecht his safe return
To you my bonnie lamb, an' me.
2
Baloo, baloo, my wee wee thing,
O saftly close thy blinkin' ee!
Baloo, baloo, my wee wee thing,
For thou art doubly dear to me.
Thy face is simple, sweet an' mild,
Like ony summer e'ening fa';
Thy sparkling e'e is bonnie black;
Thy neck is like the mountain snaw.
3
Baloo, baloo, my wee wee thing,
O saftly close thy blinkin' ee!
Baloo, baloo, my wee wee thing,
For thou art doubly dear to me.
O but thy daddie's absence lang,
Would break my dowie heart in twa,
Wert thou no left, a dautit pledge,
To steal the eerie hours awa.
"Poems and Songs, By the Late Richard Gall, With a Memoir of the Author." Pub. posthumously, 1819.
Reprinted in Robert Chambers, 1829, "The Scottish Songs; Collected and Illustrated by Robert Chambers," two vols., vol. 1 p. 43-44.
On line, Google books.