13 Jun 98 - 05:23 PM (#30703)
Subject: LYR ADD: Oran Do Cheap Breatainn
From: Timothy Jaques tjaques@netcom.ca
Someone requested the lyrics for this Cape Breton song in another thread. Here is the full version curtesy of the Cape Breton Music List, but minus the accents which I couldn't copy. I was wrong -- the lyrics aren't traditional although I can't speak for the tune to which it is sung.
Òran Do Cheap Breatainn Dan Alex MacDonald - Framboise, Richmond County, C.B.
Séist 'S e Cheap Breatainn tìr mo ghràidh, Tìr nan craobh, 's nam beanntan àrd'; 'S e Ceap Breatainn tìr mo gràidh, Tìr is àillidh leinn air thalamh.
1 'S bho'n a tha mi anns an ám, Còmhnaidh ann an tìr nam beann; 'S ged a tha mo Ghàidhlig gann, Ni mi rann do thìr nan gleannan.
2 Chan urrainn dhomhsa chur air dòigh No chur sios le briathran beoil; Na tha do mhaise agus do ghlòir, Comhnaidh ann an tìr nam beannachd.
3 ·it' as maisich' tha fo'n ghréin, Smeòraich seinn air bhàrr nan geug; Gobhlain-gaoithe cluich ri chéil', 'S an nead' gléidhte fo na ceangail.
4 Feasgar foghair ám an fheòir, 'N uair a dhùnadh oirnn na neòil; Ceò na mara tighinn 'n a thòrr, 'S e 'n a sgleò air bhàrr nam beannan.
5 'N uair théid a' ghrian dhan àird an iar, 'S a thig an dealt air an fhiar; 'S binne leam guth nan ian, Seinn cho dian air bhàrr nam meangan.
6 Chluinnte "bellichean" le gliong, Air a' chrodh ri taobh a' ghlinn'; 'S na aoigh òga stigh 's na tuim, 'S iad fo chuing na cuileig seangaich.
7 Anns a' gheamhradh, ám an fhuachd, µm nam bainnsean, ám nan luadh; Chluinnte gillean air cléith-luaidh, 'S gruagaich' le guth' cruaidh 'g an leanaid.
8 'N uair bhiodh am fùcadh ulamh réidh, Chuirt' an fhidheall sin air ghleus; Dhannsamaid air ùrlar réidh, Gur e "Cabar Féidh" bu mhath leinn.
9 Chìte cailleach ghasda, chòir, Tighinn mu'n cuairt a thomhas a' chlò; An cromadh aice air a dòrn, 'S cha robh dòigh ac' air a mealladh.
10 'S e chuir mise nochd fo bhròn, Cuimhneachadh air làithean m'òig; Feadhainn a bhiodh leinn ri spòrs, Gu bheil cuid diubh nach'eil maireann.
11 'S ged a dh'fhalbh a' chuid sin bhuainn, Chaithis iad dhan dachaidh bhuan; Ann am pàileas Rìgh an t-sluaigh, Far'eil sòlas, buan bhios maireann.
12 Am Framboise fhuair mi m'àrachd òg, Ann an nàbachd Chloinn Mhic Leòid; 'S tric bha sinn ri mir' is spòrs, Làithean sòlasach nach maireann.
13 Chan urrainn dhomh-sa leth dhuibh ìnns', Na tha mhaisealachd 's an tìr; Stadaidh mi bho'n tha mi sgith, Beannachd leibh, is oidhche mhath leibh.
|