Lyr Add: Mo Chailin Dileas Donn (H. MacKenzie)

Subject: Lyr Add: Mo Chailin Dileas Donn (H. MacKenzie)
From: RunrigFan
Date: 16 Jun 21 - 09:30 AM

Gu ma slàn a chì mi
Mo chailin dìleas donn
Bean a chuailein réidh air
An deas a dh'éireadh fonn
'Si cainnt do bheòil bu bhinne leam
An uair bhiodh m'inntinn trom
'S tu thogadh suas mo chridh'
'Nuair bhiodh tu bruidheann riùm

Gur muladach a tà mi
'S mi nochd air aird a' chuain
'S neo-shunndach mo chadal dhomh
'S do chaidreamh fada bhuam
Gur tric mi ort a smaointeach'
As t'aogais tha mi truagh
'Is mar a dean mi d' fhaotainn
Cha bhi mo shaoghal buan

Tacan mu'n do sheòl sinn
Is ann a thòisich càch
Ri innse do mo chruinneag-sa
Nach tillin-sa gu brath
Na cuireadh sud ort gruaimean
A luaidh, ma bhios mi slàn l
Cha chùm dad idir 'uat mi
Ach saighead chruaidh a'bhàis

Subject: RE: Lyr Add: Mo Chailin Dileas Donn (H. MacKenzie)
From: RunrigFan
Date: 16 Jun 21 - 09:34 AM

Cliar

Gu ma slàn a chì mi        
Mo chailin dìleas donn        
Bean a chuailein rèidh air        
An deas a dh'èireadh fonn        
'S i cainnt do bheòil bu bhinne leam        
An uair bhiodh m' inntinn trom        
'S tu thogadh suas mo chridh'        
Nuair a bhiodh tu bruidhinn rium        

Gur muladach a ta mi        
'S mi nochd air àird a' chuain        
Neo-shunndach mo chadal dhomh        
'S do chaidreamh fada bhuam        
Gur tric mi ort a' smaointinn        
As t' eugmhais tha mi truagh        
Is mur a dèan mi t' fhaotainn        
Cha bhi mo shaoghal buan        

Tacan mu'n do sheòl sinn        
Is ann a thòisich càch        
Ri innseadh do mu chruinneag-sa        
Nach tillin-sa gu bràth        
Na cuireadh siud ort gruaimean        
A luaidh, ma bhios mi slàn        
Cha chùm dad idir uait mi        
Ach saighead chruaidh a' bhàis        
        
Tha'n t-snaidhm a-nise ceangailte        
Gu daingeann agus teann        
Ged theireadh càch, 's iad fanaid rium        
Nach eil mo phrothaid ann        
Am fear aig a bheil fortan        
Tha crois aige na cheann        
'S tha mise taingeil, toilichte        
Ged tha mo sporan gann        
        
Gu ma slàn a chì mi        
Mo chailin dìleas donn        
Bean a chuailein rèidh air        
An deas a dh'èireadh fonn        
'S i cainnt do bheòil bu bhinne leam
An uair bhiodh m' inntinn trom        
'S tu thogadh suas mo chridh'        
Nuair a bhiodh tu bruidhinn rium