Hi,

Fragment from: James Madison Carpenter Collection, JMC/1/5/1/I, p. 08209, inconsistent dialect. Only two stanzas with music, the rest has been taken from his wife's version (Stanzas 3-14) which has "provost's daughter" in the first line.

The Flooer o Northumberland- sung by Alexander B. Campbell of Hassiewells, Rothienorman about 1931.

1. A rich bailie's daughter was walking her lane,
O but her love it was easy won,
She heard a young man, he was making great moan;
As he lay in the prison so strong."

2. "If any kind lady would set me free,
Oh but her love it was easy won,
I would mak her a lady o' highest degree,
If she loose me out o' the prison so strong."

[3. She's ventured into her father's bedside,
O but her love it was easy won,
She's stolen the keys o many a fine lock,
And she's lowsed him oot o the prison sae strong.

4. When they cam to yon Scottish moor,
O but her love it was easy won,
"Ye'll get oot o my presence, ye brazen-faced whore,
And go get ye back to Northumberland.

5. "O that's the promise that ye gae to me,
O but my love it was easy won,
Ye's to mak me a lady o higher deegree,
If I lowse ye oot o the prison sae strong."

6. "Hae pity, hae pity, hae pity," she cried,
"O but my love it was easy won,
Hae pity on me as I had on thee,
When I lowse ye oot o the prison sae strong."

7. "Hae pity, hae pity, O thant canna be,
O but your love it was easy won,
For I hae a wife in my ain countrie,
So go, get ye back to Northumberland."

8. "A cook in your kitchen I will be,
O but my love it was easy won,
I'd serve your lady richt modestly,
For I canna gang back to Northumberland."

9. "A cook in my kitchen ye canna be,
O but your love it was easy won,
We canna afford such maids as thee,
So go, get ye back to Northumberland."

10. "Ye'll tak me by the middle sae sma',
O but my love it was easy won,
Ye'll throw me ower yon high castle wa',
For I canna gang back to Northumberland."

11. When he saw that her mind was so,
O but your love it was easy won,
He bocht an ald horse, and hired an ald man.
And he's driven her back to Northumberland.

12. When she cam her father before,
O but your love it was easy won,
"Ye'll get oot o my presence, ye brazen-face whore,
And go get my steed back to Northumberland."

13. When she cam her mother, before,
O but your love it was easy won,
"Ye're nae the first that the Scots hae beguiled."
And ye're aye the Flooer o' Northumberland.

14. "Ye sanna want gowd, she sanna want gear,
Althoch your love it was easy won,
Ye sanna want fee to gain your love wi',
And ye're aye the Flooer o' Northumberland.]
* * * *

Richie