Hi,

From James Madison Carpenter Collection, JMC/1/5/1/T, p. 08709, standard text, cf. Child M.

Binorie - sung by Mrs. William Duncan, Tories, Oyne, By Turriff, Aberdeenshire, about 1931.

1    Twa Scottish girlies lived in a booer,
      Binorie, O Binorie,
A miller laddie a courted them cam,
   By the bonnie milldams o Binorie, O.

2    He courted the elder wi jewels and rings,
      Binorie, O Binorie,
He's courted the younger wi far better things,
   His ane dearest lassie o Binorie, O.

3.  "O sister, O sister will ye tak a walk?
       Binorie, O Binorie,
We'll hear the blackbirds whistlin' ower their tune,
   An' see the bonnie miller o Binorie, O.

4   They walked up, an' sae did they doon,
      Binorie, O Binorie,
Until the elder one dang the younger in,
To droon in the dams o Binorie, O."

5.   "O sister, O sister, ye'll reach me yer han',
       Binorie, O Binorie,
An' ye'll get pairt o my siller an' third pairt my land,
An' be the millert's lassie o Binorie, O."

6.   "It wasna for that that I dang ye in,
      Binorie, O an' Binorie,
(Because) that ye're sae very fair, an' I sae very dun,
   An' ye'll droon in the dam o Binorie."

7.   She swimmed up an' she swimmed doon,
Binorie, O Binorie,
An' she sank tee the bottom nae mair tee rise again,
Frae the bonnie milldams o Binorie, O."

8.   The miller's servant girl came for water to wash his hands,
      Binorie, O Binorie,
There's somebody in, or else there's a swan,
In the bonnie milldam o Binorie, O."

9.   "They fished up an' they fished doon,
      Binorie, O Binorie,
They've ta'en her out and laid her on a stane,
    By the bonnie milldams o Binorie, O."

10.   They wisna ane kent her by her yellow hair,
      Binorie O an' Binorie,
But the bonnie miller laddie he knew the rings he gae her,
She was his ane dearest lassie o Binorie, O.

10.   There wis mony a ane there at her oot-takin',
   Binorie, O Binorie,
The bonnie millert laddie died at her grave makin';
    She was his ane dearest lassie o Binorie, O.

* * * *

Richie