I must not explain well enough. It's there when I look for it...
Okay, here ya go:
BARNYARDS OF DELGATY
As I cam' in by Turra Market,
Turra Market for to fee
I fell in wi' a farmer chiel,
The Barnyards of Delgaty!
Lintin addie toorin addie,
Lintin addie toorin ee
Lintin lowrin, lowrin, lowrin,
The barnyards of Delgaty!
He promised me the ae best pair
That ever I set my e'en upon
When I gaed to the Barnyards,
There was naething there but skin and bone
The auld black horse sat on its rump,
The auld white mare lay on her wime
And for all that I could "Hup" and crack
They wouldna rise at yokin' time
When I gae to the kirk on Sunday
Mony's the bonnie lass I see
Sitting by her faither's side
And winkin o'er the pews at me
I can drink and no be drunk
I can fecht and no be slain
I can lie wi another man's lass
And aye be welcome to my ain
Noo my candle is brunt oot
My snotter's fairly on the wane
Sae fare ye weel ye Barnyards
Ye'll never catch me here again!
_________ refers to a hiring fair where workers contract for a year's labor
sung by MacColl (Bothy Ballads and Scottish Popular Song) and
Bikel (Bravo Bikel)
Tune file : BARNDELG
Old Blind Dogs do a wonderful rendition of this on their "Live" CD.