Lyr Req: drumdelgie revisited?/Drumdelgie Nae Mair

Subject: RE: Lyrics: drumdelgie revisited/Drumdelgie Nae Mair
From: Gutcher
Date: 12 Nov 10 - 10:07 AM

Such evocative language--its little wonder it brought a tear to my friends eye,he is, of course, a speaker of the doric dialect of the
scots language.
Lack of knowledge of the scots language will preclude many from
appreciating the true pathos of this song--feeling is not translatable.
Joe.

Subject: RE: drumdelgie revisited
From: GUEST,kenny
Date: 11 Nov 10 - 03:09 PM

Thanks for that, "Drumshanty". I must ask Geordie to sing that next time I see him. Very clever writer was Ian Middleton.

Subject: RE: drumdelgie revisited
From: Gutcher
Date: 11 Nov 10 - 02:55 PM

Ay, ay Drumshanty, Geordie hes jist the richt greet in his voice for this yin,
Thanks for the words. Noo if ah could jist fin oot hoo tae yoke
a printer tae this contraption ah wid tak a copy tae keep me in mind.
Joe.

Subject: Lyr Add: DRUMDELGIE NAE MAIR (Middleton/Murison...
From: Drumshanty
Date: 11 Nov 10 - 11:50 AM

DRUMDELGIE NAE MAIR (words: Ian Middleton; tune Geordie Murison/Steve Inglis)

There's a fairmtoon up in Cyarnie, weel kent in bothy sang
A place that's famed the country ower, nae matter far ye gang
The fairmer o' yon muckle toon retired t tak his ease
And there's half o't noo in set aside, the ither half's in trees

There's nae a fee'd man t be seen, the parks are bare o' nowt
The grun's a' cryin' oot for crap, wi naebody there tae grou't
The logic or the reason for't is hard t unnerstan
Bit the waste wid gar a body greet that's thirled tae the land

Foo money men, in days lang syne, wi dour unbendin will
Hid dargit at it, months on eyne, t rive it fae the hill?
An kyaaved t shift the thraan tree stumps, and eyneless cyarns o steen
Wi miles o man-made drains t lay afore the job wis deen

Nae modern-day machinery then, t ease the waichty birn
Nor yet a sympathetic lug for ony greet or girn
Twis tire, and jist fa tee again, wi mony's a sypin sark
An men, groun aul afore their time, sair rackit wi the wark

Come time, the place began t thrive, wi aye mair hill teen in
An seen progressed t sic a size, it left the rest ahin
An fin they a were yokit, aye, an deckit oot wi pride
The show o horse wis foremaist in the hale o Diveronside

Drumdelgie's praise, in bothy lays, is gey ill-fittin noo
Wi a its grun, sae sairly won, forsaken b the ploo
The wark his been a waste o time, the foresicht a in vain
As the reets o yon fast-growin trees gyang doon throu ivery drain

Far eence sae mony acres steed, a stookit, ra on ra
The dockins an the tansies thrive, t mark its sad doonfa
It's ayont a comprehension, foo they justify a scheme
Far sae muckle lan lies idle, wi sae mony bellies teem

Gyang oot some day, roon Cyarnie way, an cast yer ee aroon
The legalised distruction o Strathbogie's biggest toon
An maybe, in the silence, as ye contemplate the soss
Ye'll hear the soon o ghostly feet gyan clatterin through the closs

Syne, bid "fareweel Drumdelgie" as ye turn t come awa
Aye "fare-ye-weel Drumdelgie, an yer unca kirn an a"
Ye've been immortalised in sang, since days o horse an cairt
An t see yer sad decline the day, wid braak a body's hairt!

(Makes me weep every time Geordie Murison sings it...)

Subject: drumdelgie revisited
From: Gutcher
Date: 11 Nov 10 - 11:19 AM

A current thread gives a humorous song composed by the late Ian
Middleton. Can anyone give the words for a tear-jerker by him
called "Drumdelgie Revisited".
This is the only song that I have heard that actually brought tears
to a bankers eyes, mark you this was at four in the morning and no
doubt he was feeling a little tired and emotional at the time.
Joe.

PS.--tired and emotional would come under the heading of a euphemism
    in a current BS. thread.